हाम्रो बारेमा
तपाईंले कोसँग कुरा गर्नुहुनेछ?
थेरापीमा जाने निर्णयको ठूलो हिस्सा यही हो — मान्छे कस्तो होला, र मैले भनेको कुरा कसरी लिइएला भन्ने।
“मलाई नराम्रो ठान्लान् कि?”
यो सबैभन्दा धेरैलाई रोक्ने डर हो। स्पष्ट भनौं — थेरापिस्टको काम फैसला गर्नु होइन। तपाईंले जे भन्नुभयो, त्यो पहिले पनि सुनिएको छ। रिस, इर्ष्या, पछुतो, कसैलाई माया मार्नु — यी मान्छेका सामान्य कुरा हुन्, र यही कुरा भन्न पाउने ठाउँ नै थेरापी हो।
साथै तपाईंलाई कुनै निर्णयमा धकेलिँदैन। छुट्टिने, जागिर छोड्ने, वा कसैसँग सम्बन्ध तोड्ने — यी तपाईंका निर्णय हुन्।
मनोवैज्ञानिकहरू
श्री डम्बर राज भट्ट
मनोवैज्ञानिक · संस्थापक
MA (Clinical Psychology), PhD अध्ययनरत। CBT मा Beck Institute (अमेरिका) र DBT मा Linehan Institute (अमेरिका) बाट तालिम। Certified Clinical Trauma Professional (Level 2)। वयस्क ADHD, आघात र CPTSD, जोडी परामर्श, र पेशागत तनावमा मुख्य काम।
नेपाली, अंग्रेजी र हिन्दीमा सेसन।
ध्यान दिनुहोस्: उहाँ मनोवैज्ञानिक हुनुहुन्छ, मेडिकल डाक्टर होइन — त्यसैले औषधि लेख्नुहुन्न। आवश्यक देखिए मनोचिकित्सककहाँ पठाइन्छ।
सृजना घिमिरे
मनोवैज्ञानिक
MA (Clinical Psychology), नर्सिङ (BSc) पृष्ठभूमिसहित। चिन्ता, डिप्रेसन, तनाव, सम्बन्ध, र किशोरसँगको काममा अनुभव।
हामी कसरी काम गर्छौं
- प्रमाणमा आधारित विधि — CBT, DBT, ACT, र आघातका लागि विशेष तरिका
- गति तपाईंको — तयार नभएको कुरा भन्न कर लगाइँदैन
- कुन विधि किन प्रयोग गर्दै छौं भन्ने तपाईंलाई भनिन्छ
- अर्को ठाउँ उपयुक्त हो भने त्यही भनिन्छ — रोकिँदैन
- शुल्क पहिलो पूर्ण सेसनअघि नै स्पष्ट
गोपनीयता
तपाईंको कुरा गोप्य रहन्छ — र तपाईं थेरापी लिँदै हुनुहुन्छ भन्ने कुरा पनि। परिवार वा जसले अपोइन्टमेन्ट मिलाइदियो, कसैलाई रिपोर्ट गरिँदैन।
रेकर्ड सुरक्षित clinical portal मा राखिन्छ — इमेल, spreadsheet वा च्याटमा होइन। सेसन कहिल्यै रेकर्ड वा transcribe गरिँदैन। विस्तृत जानकारी (अंग्रेजीमा)।
कहाँ र कसरी
Anurag Marg, Kathmandu 00182, Nepal मा प्रत्यक्ष, वा सुरक्षित भिडियोबाट अनलाइन — नेपालभित्र र विदेशमा बस्नेहरूका लागि पनि।
कुरा गर्न चाहनुहुन्छ?
सोध्नु भनेको बुक गर्नु होइन। पहिले बुझ्न मात्र पनि सम्पर्क गर्न सकिन्छ।